عدم وصول المياه بالشكل المعتاد

يعطيكم العافيه .
يا جماعة بالنسبة للمي ألنا بالضيعه فوق ال 20 يوم بتجي المي متل مصاصة المته ميقولو هاد يلي عم يدير المي عم يديرها عالقطاع كلو سوا لذلك عم تجي بهالشكل .
مراقب المياه متغير من فتره عأيام المراقب السابق كان يرد دائما وفورا يحضر لحل المشكله هون لا برد ولا فاتح خطو ولا بيجي يشوف وضع المياه اذا جاي أو لا .
كلام الناس هون عم يقول أنو العامل عم يدير المياه عالقطاع كلو سوا قال منشان يمنع الناس تسقي خضرة ودخان ونحنا من هون منطلب أي شخص بيستهلك فوق المخصصات المسموحة له بالدورة حاسبوه فيها ضعفي التسعيره العاديه رضيانين حتى لو كان صاحب الشكوى نفسو بس أنو تنقطع المياه وما نقدر نعبي الخزانات للغيسيل والجلي هيك حرام و عيب عالشيطان الأخرس …
منتمنى الأسراع بحل المشكلة لأن الوضع ما عاد يتحمل التقصير والتأجيل …